test blog

Не е невообичаено да сакате да го разгалувате Вашето куче и да му давате дел од Вашата човечка храна, но дали секогаш таа е безбедна за нив?

Секако дека не! Кучињата ја варат храната поинаку од луѓето, па некогаш човечката храна може да доведе до сериозни долгорочни здравствени проблеми, а во екстремни случаеви дури и до смрт. Кучињата немаат вистинска потреба за овошје во нивната исхрана, но повремено тие причинуваат вистинско задоволство. Затоа е многу важно да знаете што од овошје смее, а што не смее да јаде Вашето куче.

Што смее да јаде Вашето куче:

Јаболко

Јаболката се одличен извор на витамини А и Ц, како и влакна за вашето
куче. Тие имаат малку протеини и масти, што ги прави совршена закуска за
постарите кучиња. Само не заборавајте прво да ги отстраните семките и
лушпата. Пробајте ги замрзнати за ледена закуска за топло време.

Банана

Во умерени количини, бананите се одлично нискокалорично задоволство за
кучињата. Тие се богати со калиум, витамини, биотин, влакна. Тие се ниски
со холестерол и натриум, но поради нивната висока содржина на шеќер,
бананите треба да се даваат како задоволство, а не како дел од главната
исхрана на вашето куче.

Боровинки

Боровинките се суперхрана богата со антиоксиданси, кои го спречуваат
оштетувањето на клетките кај луѓето и кај кучињата. Тие се преполни со
влакна и фитохемикалии исто така. Го учите вашето куче да фаќа
задоволства во воздухот? Пробајте ги боровинките како алтернатива.

Диња

Дињата е преполна со хранливи материи, нискокалорична и одличен извор на вода и влакна. Сепак, таа е богата со шеќер, па затоа треба да се дели умерено, особено за кучињата кои се со прекумерна тежина или имаат дијабетес. 

Портокал

Портокалите се добри за јадење на кучињата,но можеби нема да им се
допадне некој цитрус со силен мирис. Портокалите се одличен извор на
витамин Ц, калиум и влакна, а во мали количини, сочното месо од портокал
може да биде вкусно задоволство за вашето куче. Нормално без кората и
без семето.

Праска

Да, праските се безбедни за јадење на кучињата. Мали количини на исечени свежи или замрзнати праски се одличен извор на влакна и витамин А, па дури и можат да помогнат во борбата против инфекциите, но исто како и црешите, лушпата содржи цијанид. Свежите праски можат да бидат одлично летно уживање. Прескокнете ги конзервираните праски, бидејќи тие обично содржат големи количини на зашеќерени сирупи.

Круша

Крушите се одлична ужина бидејќи се богати со бакар, витамини Ц и К и
растителни влакна. Секако прво отстранете ги лушпата и семките бидејќи
семките содржат траги на цијанид.

Ананас

Неколку парчиња ананас е одлично слатко задоволство за кучињата,
доколку прво се отстранат бодликавата надворешна кора и круната.
Тропското овошје е полно со витамини, минерали и растителни влакна.
Содржи и бромелаин, ензим кој им олеснува на кучињата да ги апсорбираат
протеините.

Тиква

Да, самата чиста тиква е одличен избор и многу здрава ужина за кучињата.
Покрај тоа што помага со кожата и крзното на вашето куче, таа е одлична за варење и може да помогне во лекувањето и на дијареата и на запекот.

Само имајте на ум дека никогаш не треба да го храните вашето куче со
мешавина од пита од тиква. Ако купувате конзервирана тиква, проверете
дали е 100% тиква.

Малини

Малините се добри во умерени количини. Тие содржат антиоксиданси кои
се одлични за кучињата. Тие се ниски со шеќер и калории, но богати со
влакна, манган и витамин Ц. Малините се особено добри за постарите
кучиња бидејќи имаат антиинфламаторни својства, кои можат да помогнат
во стареењето на зглобовите. Сепак, тие содржат мали количини на
ксилитол, затоа ограничете го вашето куче на помалку од една чаша
малини истовремено.

Јагоди

Јагодите се полни со влакна и витамин Ц. Заедно со тоа, тие исто така
содржат ензим кој може да помогне да се избелат забите на вашето куче
додека ги јаде. Тие содржат шеќер, па не заборавајте да ги давате умерено.

Лубеница

Да, кучињата можат да јадат лубеница. Важно е прво да се отстранат
кората и семките, бидејќи тие можат да предизвикаат блокада на цревата,
но месото од лубеницата инаку е безбедно за кучињата. Полн е со витамин
А, Б-6 и Ц, како и со калиум. Лубеницата е 92 отсто вода, па затоа е
одличен начин да го одржите вашето куче хидрирано во топлите летни денови.